Encamientos na visita al Parque de la Prehistoria pa embrivir los riesgos andada del COVID-19
El Parque de la Prehistoria de Teberga adaptó les sos instalaciones y servicios pa contribuyir a embrivir los riesgos d´andada del virus COVID-19. Pa ello tuvo en cuenta les distintes instrucciones y encamientos ellaboraos pol Ministeriu de Sanidá y l´Institutu de Calidá Turística. Esti postreru desenvolvió una guía específica pa Museos y Sitios Culturales a pidimientu de la Secretaría d´Estáu de Turismu na que collaboraron distintos axentes sociales, espertos y entidaes culturales.
Antes de visitar el Parque de la Prehistoria de Teberga
- L´aforu del equipamientu va ser amenorgáu conforme a la normativa vixente, polo que s´encamienta l´alquisición de la entrada online al traviés de la web o del serviciu de venta telefónica al traviés del teléfonu 985 185 860, disponible de llunes a vienres de 10:00 a 14:00 hores.
- Ruégase puntualidá y ye imprescindible allegar dientro del horariu reserváu pa cumplir col aforu.
- La visita al equipamientu va ser llibre. Pónense a disposición del públicu los siguientes documentos dixitales:
- Guía de mano (disponible en castellanu, asturianu, inglés, francés y alemán).
- Aplicación móvil con audioguía (disponible en castellanu, inglés, francés y alemán).
- Folletu del zarru d´animales del Parque (castellanu).
- Llibru Descubriendo el Parque de la Prehistoria de Teverga (disponible en castellanu).
- Visites imprescindibles n´Asturies (disponible en castellanu, asturianu ya inglés).
- El Parque cunta con una programación recurrente online pa tolos públicos (talleres, cuentacuentos, visites 360º y xuegos y pasatiempos didácticos). Consulte los apartaos d´axenda y noticies de la nuesa web.
- Ye obligatorio l′usu de mázcara na visita al Parque.
El día de la visita
- Caltenga la distancia de seguridá interpersonal (ente unidá familiar o de convivencia) en tou momentu.
- Ye obligatorio l′usu de mázcara na visita al Parque.
- Siga´l percorríu encamentáu pa la visita y circule preferiblemente pola derecha.
- Aconséyase´l pagu con tarxeta de creitu en tolos servicios del Parque.
- Empreste atención a les indicaciones y encamientos detallaos na cartelería informativa.
- Ruégase nun tocar les superficie y vitrines.
- Siga los encamientos hixénico-sanitaries nel usu de los aseos.
- Nos accesos a recepción, tienda y baños va disponer de dispensadores de xel desinfestante.
- Disponemos de guantes d´un solu usu pal so usu del puntu de recarga de vehículos eléctricos y tienda. Nun ta permitío tocar los productos. Solicite ayuda al asistente.
- Mientres el percorríu ponemos a la so disposición papeleres con tapa y pedal pa la xestión de los sos residuos.
- Recurra a los nuesos asistentes pa cualquier dulda o consulta. Tamos p´ayudar.
Recordatoriu de midíes hixénicu-sanitaries
- Realice una hixene de manes frecuente (llaváu con agua y xabón o soluciones alcohóliques).
- Caltenga 1,5 metros de distancia interpersonal.
- Ye obligatorio l′usu de mázcara na visita al Parque.
- Al tusir o espirriar, cubra la boca y la ñariz con pañuelos desechables o col coldu flexionáu.
- Evite tocar los güeyos, la ñariz y la boca, una y bones les manes faciliten la so tresmisión.
- Si presenta dalgún síntoma (fiebre, tos o dificultá respiratoria y amás dolor muscular o de cabeza), llame a los teléfonos 984 400 100 – 900 878 232 o al 112.
#ParquePrehistoriaEnCasa
El equipamiento dispone de numerosos recursos digitales a su disposición, que se actualizan constantemente en y en la Agenda.
El Parque de la Prehistoria de Teberga dispón dedixitales aso disposición que s´actualicende contino en El Parque de la Prehistoria en tu casa y na Agenda.
Amás, puede siguir tola información rellacionada col Parque en:
Contacta col Parque de la Prehistoria
- Teléfonu 985 764 739
- info@parquedelaprehistoria.es
- Formulariu de contactu
