Conseyos hixénico-sanitarios Covid-19 

Con audioguía (al traviés d’aplicación móvil)

Garrando como base una aplicación móvil, el veceru pue descargar el percorríu en dellos idiomes: castellanu, inglés, francés y alemán. El Parque dispón tamién de dalgún terminal n’empréstamu. 

Por llibre a la Galería y a la Cueva de Cueves

La parte museística del Parque, la Galería, pue visitase de forma llibre nel horariu d’apertura del mesmu. Aconséyase disponer polo menos de 40 minutos pa poder visitar esti edificiu de forma cómoda. El visitante va cuntar con personal de sofitu nel edificiu p’acoyida, esplicaciones curties, xestión de consultes, etc. 

Pónense a disposición del públicu los siguientes documentos dixitales:

• Guía de mano (disponible en castellanu, asturianu, inglés, francés y alemán).
• Aplicación móvil con audioguía (disponible en castellanu, inglés, francés y alemán).
• Folletu del zarru d´animales del Parque (castellanu).
• Llibru Descubriendo el Parque de la Prehistoria de Teverga (disponible en castellanu).
• Visites imprescindibles n´Asturies (disponible en castellanu, asturianu ya inglés).

Con visita guiada a la Cueva de Cueves

El Parque entama percorríos guiaos pa realizar un viaxe a la Prehistoria al traviés d’esplicaciones curties y cola interpretación de les reproducciones de les cueves más significatives.

• Febreru, payares y avientu, de miércoles a vienres a les 13:00 h. Fines de selmana y festivos a les 12:00 y 17:00 h.
• Marzu, abril, mayu, xunu, setiembre y ochobre, de miércoles a vienres a les 16:00 h. Fines de selmana y festivos a les 12:00, 13:45, 17:00 y 17:45 h.
• Xunetu y agostu, tolos díes a les 11:00, 13:45, 17:00 y 18:00 h.

La visita guiada dura 20 minutos.

Les visites son namás guiaes en castellanu.

Les visites tán llimitaes a un númberu de 15 participantes por pase.

Visites guiaes al área d’animales

Una oportunidá pa descubrir munchos datos llamativos sobre l’orixe, comportamientu, dieta o hábitat de los exemplares de bisonte européu, caballos Przewalski, uros de Heck, venaos, gamos y tarpanes que s’atopen nuna zona adaptada del Parque de la Prehistoria de Teberga. Consultar les frecuencies n’apartáu d’Axenda de la web.