Parque de la prehistoria de Teverga
Facebook
Twitter
Youtube
App Móvil

Zarru d´animales

Dende marzu del 2014 pue visitase nuna zona esterior del Parque exemplares de caballos Przewalski d´orixe prehistóricu y de bisonte européu gracies a un conveniu de collaboración soscritu ente´l Parque, el Conceyu de Teberga, el FAPAS y l´Asociación Centru de Caltenimientu del Bisonte Européu n´España.

La incorporación de dambes especies, en peligru de desaniciase y en víes de recuperación, ye una iniciativa que busca’l caltenimientu y integración d’estos animales que vivieron va miles d’años y de los que namás queden 6.000 exemplares de bisontes europeos en tol mundu y 1.500 caballos Przewalski.

Dende abril del 2016 el zarru d’animales del Parque tien amás uros de Heck o neo-uros. L’uru, consideráu l’antepasáu montés de toles vaques del mundu, desanicióse nel sieglu XVII y los exemplares que s’atopen en Teberga son una recreación que se desenvolvió n’Europa nos años 30.

Venaosgamos incorporáronse al Parque en marzu del 2018. El venáu, y quiciabes el so antecesor el venáu xigante, figura nel arte parietal astur en forma de grabaos y de pintures. El gamu ye una especie menos frecuente nel Principáu, porque se vio arrequexada na rexón mediterránea tres de la glaciación, nun pudiendo recolonizar depués d´ella´l continente de forma natural. A España vuelve de la mano de los romanos va 2.000 años y actualmente atópase en llibertá n´El Puertu Sueve.

Dende febreru del 2019 el Parque tamién tien caballos tarpanes. Desaniciaos a primeros del sieglu XIX, la especie que pue vese nel equipamientu teberganu ye´l resultáu de la mezcla de los tarpanes forestales cola raza polaca de caballos domésticos Konic.

Esta propuesta fai posible ver en vivo los animales que yá pintaben los nuestros antepasaos, integrándose como un complementu perfectu a la visita guiada a la Galería y Cueva de Cueves del Parque, a los talleres y actividaes d´arqueoloxía esperimental desenvueltos nel equipamientu, al percorríu pela Sienda del Osu y a la ufierta turística local.

 

 

Suscríbete a nuestra newsletter
Asturias